Glick im Unglick

LUEGINSLAND: Vezwickti Ränk

Friedel Scheer-Nahor

Von Friedel Scheer-Nahor

Sa, 21. April 2018

Kolumnen (Sonstige)

S Schicksal mocht ellimol vezwickti Ränk. So wiä bim Franz, wu nimmi vu sim abglägene Hof mitem Aüto zum Schaffe het welle fahre. D Bushaltestell isch em aber z witt gsi. Wäge dem het er si alt Mofa gnumme, wu s Moterli zwar selli gstotteret het, aber s isch immer noch besser gsi, wiä z Fueß guh.
Jetz aber, wuner ame scheene Obe üsem Bus stigt, isch des Schnäpperli furt gsi. Gstohle, gstenzt, gstibizt! De Schade isch jo so groß nit gsi, aber was, wenn demit ebbis Kaibemäßigs ogstellt wird? Mit de Nummere kunnt mr am Franz glii uf d Spüür. Drum het er s ozeigt, im Stille aber diä Sach vespielt gää.
Do het er nit mit unsere Schandarme grächnet. Diä hen bal druf e Mofafahrer gsähne, wu vedächtig im Zickzack gfahre isch. Wu sie ne kuntrelliäre hen welle, wirft der s Mofa hi un haüt ab. Sie hene nimmi vewitscht. S Mofa aber, wu natirlich am Franz sins gsi isch, hen sie vun ere Firma abhole loo - un em Franz d Rechnung gschickt. Bleeder hätts nimmi rüskumme kinne, het seller denkt. Uf s Mofa hätt er guet un gärn vezichtet, aber d Abschlepper hen ihre Gäld welle un so het er halt schliäßlich iiglenkt un de alt Geppel gholt. Was het er aber fir Boolaüge gmacht, wuner s Moterli alosst? Des isch gloffe wiä am Schniärli, besser wiä zu sine beschte Zitte. Schiints isch der Lotzi, wu sich des Hueschterli unter de Nagel grisse het, aü noch in andere Sache Meischter gsi. Do het halt seller wieder emol Rächt bhalte, wu gsait het: Zum Schluss wird alles guet! Un wenns nit guet isch, ischs aü no nit de Schluss.