Zur Navigation Zum Artikel

Wenn Sie sich diesen Artikel vorlesen lassen wollen benutzen Sie den Accesskey + v, zum beenden können Sie den Accesskey + z benutzen.

07. Juli 2012

LUEGINSLAND: Drej Tää lang

het de Wetterbericht vun de Badisch Zitung vesproche, aß es null Liter Räänge soll gä. Un drej Tää lang wär i schiin agange, wenn i des glaubt un nit vorsichtigerwiis voher in de Himmel nufgluegt un min Räängezejg aglegt hätt. Gschittet het s, was rakumme het welle.
Was natierlig – s Johr isch schu halwer rum – wider emol d Froog ufwirft, wer denn jetz besser lejt, was s Wetter alangt, d Buere, wu jeder Taa nusluege un sich uf des, was si sehne, e Reim mache – oder selli, wu Bilder us em Weltall aluege un welle vorussehne, wu d Wolike, wu si dert usmache, in ein, zwei Tää naziehge.

 S Wetter disjohr isch jo bis jetz guet durichwachse gsi, nit grad bsunders warm un nit grad bsunders trucke. Un was sait de Buer dodezue? Schaltjohr Kaltjohr, sait er un het räächt. Jo, i weiß, si meine jetz, was het e kalts Johr mit eme Schaltjohr z tue, ußer aß es sich reimt? Villicht hen d Buere jo eifach festgschtellt, aß es alli vier Johr e wing kälter isch, un aß der Rhithmus – ganz zuefällig natierlig – uf s Schaltjohr passt un mr sich s drum guet kaan merike? Un was sait de Buer noch? Bliehge d Eiche vor de Esche, halt de Summer großi Wäsche. Un d Eiche sin disjohr ditlig schneller mim Bliehge gsi wie d Esche – un s saicht, wenn s numme kaan. S kinnt awer au grad anderschtrum kumme, nor sait de Buer: Bliehge d Esche vor de Eiche, halt de Summer großi Bleiche. Werum d Esche un d Eiche awer im Vorus wisse, wie s Wetter wurd, des wär doch emol e Dokterärwet wert.

Werbung


 Mir kinne jo hoffe, aß die Buereregel dismol nit räächt het, wu uns vespricht: Fangt de Juli mit Räänge aa, nor werre mr ne lang noch ha.

Autor: Wendelinus Wurth