Jugendliche und ihr Smartphone

LUEGINSLAND: Du tuesch mich leite

Ulrike Derndinger

Von Ulrike Derndinger

Sa, 30. Dezember 2017

Lueginsland

Gebet vun ere Vierzehjährige: "Oh, min Händi in de Tasch. Du bisch mer heilig. Dini Knepfli druck ich, dini Flächi strich ich, wie’s in minnere Welt zuegeht, oh Himmel, mit dir weiß ich’s. Du tuesch mich leite, dass ich z Naacht kei Angscht hab uf minnem dunkle Weg.

D Muetter sait, wegge dir tue ich sozial verarme. Ich sag: Ich verarm sozial ohni dich. Oh, min Händi. Vergiss ich dich deheim, renn ich uf em Schuelweg zruck un verpass de Bus. Renn ich nit zruck, verwitsch ich de Bus – un verpass’es Lewe.
Oh min Händi, an un ab, un an un ab, un an – un ab. Un abgänn im Lehrer. Un Schuel fertig un widder an. Isch ebbs kumme, het ebber gschriiwe, het’s nit grad brummelt? Sag doch ebbs.
Awer Händi...bittebittebitte halt d Gosch, wenn de Tim uf d Party kummt, wu so goldig isch. Funk mer nit ni, wenn er sich newe mich hockt. Un im Tim sin Händi soll drno au d Gosch halte. Hoffentlig linst un druckt un tippt un stricht er nit d ganz Zit. Oh nei, Händi. Wenn ich mir des vorstell: Des wär voll assi. Ahhh menno!"