Polleinvasion

LUEGINSLAND: E gheerigs Spektakel

Wendelinus Wurth

Von Wendelinus Wurth

Sa, 05. Mai 2018

Kolumnen (Sonstige)

So schlimm isch es noch nie gsi, sait sogar de Ferschter. Was d Natur zur Zit dusse veanstaltet, isch e gheerigs Spetakel. Vun wege s Friehjohr losst sin blaus Band wider flattre durich d Luft, wie s de Mörike sait. S sin schweefelgääli Wolike, wu vum Wald losziehge un alles mi me Film zuedecke. Uf de Windschutzschiiwe vun de Auto, uf de Kleider, sogar an de Strooßeränder alles gääl. Alli vier oder siwe Johr sait de Ferschter, git s des, ass d Noodelbaim ganz vil Polle losschicke, awer nit in dem Maaß. S geht noch e gueti Woch eso, sait er, un nor isch wider rum. Gottseidank, sag i, wil sich des Zejg uf mine Kontaktlinse feschtsetzt un nor d Aue afange brenne. Drum fahr i jetz Rad mit de Sunnebrill uf – un dodruf siht mr de Polle bsunders guet. Un e Kolleg het vezehlt, er sig am erschte Mai spaziere gloffe mi me schwarze Huet uf – un am Owes, wu er ne abgsetzt het, isch em ufgfalle: Jetz haw-i au e Pollehuet!