Wenn Sie sich diesen Artikel vorlesen lassen wollen benutzen Sie den Accesskey + v, zum beenden können Sie den Accesskey + z benutzen.

13. März 2010

LUEGINSLAND: Ganz normal

isch der Winter, nix Bsunders, au wenn sich schu vili ufrege un meine, de jetzig sig doch endlig de Bewiis dodefir, aß es gar ke globali Erwärmung gäbt, sundern ehnder umkehrt – jetzert kämt e neji Iszit – un sich zrucklehne zum kommod witermache wie bisher.

 Wie schnell mr sich doch an ebbis kaan gwehne! E lauwarmer Winter un Schnee numme dert un dann we-mr ne brucht, hauptsächlig us Schneekanuune, so wie mr s die letschti 20, 30 Johr gmacht hän. Desch fir vili kommod gsi: Selli, wu s ganz Johr durich Fahrrad hän welle fahre; fir d Gmeine, wu in dene Winter e Hufe Geld gspart hän fir Salz un Splitt; un sogar fir uns alli, wu mr de Winter durich nit eso vil Geld fir s Heize brucht hän.
 Jo Schissebach! S isch grad anderschtrum: Die letschte 20, 30 Johr – so sait miner Kolleg, wu Erdkunde lehrt – mit ihre lauwarme Winter sin de Bewiis fir d Ze-o-zwei-heizung, wu mr s ganz Johr lang renne len, un des, was mr disjohr hän, isch e ganz stinknormaler Winter, wie si im un mir noch denke us minre Schuelerzit: De erscht Schnee Afang Dezember – un seller bliit leje bis in April ni mit Minusgrade am Stick d ganz Zit lang.
 Un wenn nor e ußergwehnliger Winter kumme-n-isch, nor het des gheiße de Bodesee gfriert zue un d Oschtsee un sogar de Rhin vun hiwe un diwe un macht us sich selwer e Bruck.
 E kurzer Blick uf de Kalender sait uns – de ganz normal Winter geht noch e gueti Woch un sell wisse au d Buereregle, ob unsri Wetterfresch s welle glauwe oder nit. Villicht het jo d Natur s endlig begriffe: Je meh mir s Johr durich de Summer mit heize usdehne, deschto kälter macht si de Winter – zum alles uszgliche sozsage.

Autor: Wendelinus Wurth