Berufswahl

LUEGINSLAND: Maidli mien nix lehre

Ulrike Derndinger

Von Ulrike Derndinger

Sa, 23. Juni 2018

Kolumnen (Sonstige)

Si isch hit noch krottewietig uf ihri Muetter. Selli het si domols an de Zepf usem Salon Kleinschmidt gschleift, will si dert gern als Lehrmaidli angfange hätt. "Maidli mien nix lehre", het si ihre erklärt: Hierote, Kinder, Hushalt un fertig isch de Käs. Do het si sich gschwore, dass ihri Tochter emol Friseeri wurd. Jetzt het selli awer, kuum us de Schuel, nit knischtet. Si het liewer Steiner usem Dreck dalbt un sich vorgstellt, dass es Werkziig vun Steinzitmensche gsin sin. "Archäologi!? Maidli mien doch nit studiere. Liewer lehrsch ebbs rechts un schmecksch de ganz Tag Schampon mit Vanilljegschmack", het d Muetter lametiert. Awer s Maidli isch furt. Un eifach so, in de Ferie, het d Tochter wohl angfange, im Internet Filmli z luege, wie mer Strähnli färbt oder e Bubikopf schnidet. Wu si d Muetter mol widder bsuecht het deheim, het si ihre e flotter Schnitt verpasse welle. "Vun wege, Maidli derfe nit studiere", het si zue de Muetter gsait, het e Sprutz Schampon mit Vanilljegschmack uf d Hand pflättert – un het ere zerscht emol gheerig de Kopf gwäscht. Hinteno isch d Muetter nie meh zue ihrem alte Hoorschniider gange.