Wenn Sie sich diesen Artikel vorlesen lassen wollen benutzen Sie den Accesskey + v, zum beenden können Sie den Accesskey + z benutzen.
28. Januar 2012
LUEGINSLAND: S’Allergreescht
Bim Fasentumzug vor zwei Johr bisch vor mer gschtande. Ä Zwei-Meter-Hex, ä Kriz wiä ä Schtier. Dü hesch mer d’Hoor mit ere Hampfel voll Konfetti gwäscht, dass i noch an Oschtere säll Fätzlibabier im Bad gfunde hab. Hättsch d’Larv nit emol kurz abgnumme, ich hätt niä erfahre, dass ich dich jede Dunnerschdig bim Ikaufe triff. Dert kummsch mit eme klapprige Velo un hesch ä verlotterts Häs an, Jogginghos un ussglatschti Schlappe. De klemmsch der ä Fertigschissdreck us de Gfriähtrueh under de Arm un zehlsch de Kassiereri s’Minzgeld genau in d’Hand. De luegsch nit rum un nit num. Nai, kei Schtier, ehnder ä verlores Kälbli bisch, habi denkt, eins, wu nit uff de Sunnesitt vum Läwe steht. Bim Umzug hesch mer dinner Arm um d’Schultere legt un durch d’Mask gschraue, dass d’Fasent so saugeil sey un, un dass es hit Owe in de Feschthall in Weißgottwo dermaße abgehn dät. Wär nur der schiss Äschermittwoch nit un dät allis grad immer so wittergehn! Ich selwer bin jo nit eso uff Fasent. Awer fir dich, do sin ä Mask un ä baar Däg im Johr s’Allergreescht im Läwe.
Werbung
Autor: ude
