Lueginsland

Wetter un Obscht: Lätz laufts

Wendelinus Wurth

Von Wendelinus Wurth

Sa, 18. August 2018

Lueginsland

Disjohr lauft so zimlig lätz. Vilmols het mr uns Burscht als gsait, die spiere s Wetter, wenn d Kinder usser Rand un Band gsi sin. Oder de Petrus macht e Nickerli - oder isch mol kurz iknappt. Awer was s Wetter disjohr alles astellt, ka-mr eso nimm verexpliziere.
Un wil d Pflanze abhängig sin vum Wetter, siht mr s dene zerscht aa, was grad los isch. Alles isch disjohr zwii, drej Woche friehger dra un zitig, awer rif isch s Obscht änewä nit. S fehlt halt s Wasser. D Kriese sin schun e weng wässrig im Gschmack gsi un d Zwetschge nit minder. Epfel git s, wie schu lang nimm. D Baim hänge grad voll un we-mr si nit stippert, schlenze die schweri Näscht grad vum Stamme un de Bettel lejt am Bode.
D Natur weißt sich natierlig z helfe un putzt sich schu zum zweite Mool. S erschte Mool isch es gsi, wu d Baim d Fruchtasätz, wu nix gsi sin, abgworfe hän. Awer jetzert werfe d Baim d kropfigli Epfel ab un kunzentriere sich uf die, wu noch hänge bliiwe.
Awer im Veglich mit andre Johr sin d Epfel mickrig un schmecke wässrig, fascht nooch gar nix. Notrifi un iwerrifi git s bis jetz au noch keini.
Am End hen villicht doch d alti Lit reecht, wu gmeint hen, s Wetter isch wie d Politik - oder grad anderschtrum.