Lueginsland

Ruhestand: Rächtzittig plane

Friedel Scheer-Nahor

Von Friedel Scheer-Nahor

Sa, 04. August 2018

Lueginsland

So longsom brecklets um aim rum. D Kollegin goht in Rente, im Bekanntekreis zellt de eint oder die ander aü schu die letschte Arbetsdäg un in de Zittung liest mr Dag fir Dag vu Veabschiedunge in Ruhestand. Do wirds Zitt, dass mr sich so langsam aü emol demit abgit, wiä des wird, wenn bi aim selwer Fiirowe in de Blooskuchi isch. Jeder Dag si eigene Herr sii, am Morge schlofe bis ane Hotummi, gmiätlich z Morge ässe, am Nommidag ins Städtli guh un in de Cafés umenanderhocke un z Owe de Herrgott e guete Mann sii loo un kruschtle un schäffele, grad wiä s aim in Sinn kunnt. So kinnt mrs üshalte. Aber wahrschiints kunnts jo doch anderscht. Un viellicht kriägt mr mit de Zitt an some Läwe sowieso de Vetlaider un s wär viel besser, mr däts eso mache, wiä seller jung Mann, wu mir vu sine Plän firs Rentealter vezellt het. Der weiß nämlich jetz schu, was er deno emol macht: Schnaps brenne. Wil er aber weder Obst, noch e Brenngscherr un schu gar kei Brennrecht gha het, het si Plan vu langer Hand vorbereitet were miäße. So het er schu vor e paar Johr agfonge mit Baim setze. Deno het er Üsschau noch eme Brennrecht ghalte un tatsächlich eins ergatteret. Un wil des nur gilt, wenn er bal druf mit Brenne afongt, het er aü e Gscherr bsorgt un dodefir e Brennhiisli boit. Noch kimmeret sich jetz de Vatter ums Brenne. Aber sii Zuekunft isch gsicheret, wil er sich rächtzittig Gedanke gmacht un de Steär bi de Herner packt het.