E schlechtis Gwüsse

LUEGINSLAND: Alt un jung

Markus Manfred Jung

Von Markus Manfred Jung

Sa, 03. November 2018

Kolumnen (Sonstige)

Won i am Bahnhof e Rung uf em Bänkli hock un uf mi Zug wart, lueg i zwei junge Lüt zue, wo sich am Automat Bilett uuselön. Dähinter stoht en eltri, chleini Frau mim e Stecke, tripplet e bizz vom einde Bei uf s ander, luegt unsicher an Bode. Wo de jung Ma fertig isch, drüllt er sich um un sait: "Darf mer Ihne helfe?" "Aber gern, dankschön!" freut sich die eltri Dame. Die jungi Frau frogt, was es denn für e Fahrcharte sii soll, un beidi zeige däno rueihg, Schritt für Schritt am Bildschirm, wie mer zuen re Punktecharte chunnt, un tüen s erkläre däbii. No helfe si, de Zwanzger in schmale Schlitz iine z stecke, warte, bis alli drei Charte usdruckt sin, chnuble si us em Schacht unter de Plexiglasschiibe füre un gän si däre Frau, zämme mit em Usegeld. Die sait nomool dankschön un goht e paar Schritt eweg, go s Portmenee wider go verruume. Die Junge unterhalte sich liisli mitnand un luege so nebeniine, ob die Frau au dradenkt, dass si d Charte abschtemple mueß. Si denkt dra. No nemme mer alli de Zug, wo grad chunnt.

E ganz normali, selbverschtändlichi Gschicht. Un i frog mi, worum mir des denn eso als bsunders uffallt, un ha fascht e schlechtis Gwüsse däbii.