Zur Navigation Zum Artikel

Wenn Sie sich diesen Artikel vorlesen lassen wollen benutzen Sie den Accesskey + v, zum beenden können Sie den Accesskey + z benutzen.

28. Juli 2012

LUEGINSLAND: Evli misin?

Ich bi vor 30 Johr emol z Kayseri am Bahnhof gstande un han gfrogt, wänn dänn ändlig dr Zug vu Ankara kunnt. "Dr kunnt, dr kunnt!" het dr Bahnhofsvorstand drno gsait. "Ja wänn dänn?" han i welle wisse. Do het er mit dr Agsle zuckt un isch zum e Thema ibergange, wu ne wichtiger dunkt het wiä d Zugzitte. "Evli misin?" ("Bisch dü verhirate?") het er mi gfrogt. "Hayır" ("Nai"), han i miäße zuegä. No fangt er a verzelle vu siinere Nichte, si seig nätt un dät mer sicher gfalle ... Eber in miinem Alter sott ändlig hirate.

Jetz schwätz emol z Ämmedinge oder z Grozinge mit em Bahnhofsvorstand. Meinsch dä will di mit siinere Nichte verhiirate? Ich bi 40 Johr lang ledig gsii un han küüm eimol erläbt, ass Ditschi versuecht hän, eim mit einere ins Gspräch z bringe. Drfir wurschtle Millione Single ellei vor sich hii un diä Ditsche nämme vu einere Generation uf diä ander e Drittel ab. S git jetz scho gnue, wu emol im Alteheim ke Bsuech vu ihrene Verwandte meh bikumme – wel wit un breit keini Nochkumme do sin. Bi dr Moslems ka des nit bassiäre: Do sorgt d Verwandtschaft un d Bekanntschaft drfir, ass sich aü fir sonigi Häfili e Deckel findet, wu vun ellei keine druf gheit! Un s Ziil vu dr Eh sin Kinder.

Werbung


"Gang mer ewäg!" wird jetz dä oder sälli iiwände. "Schomol ebis vu Zwangshirat ghert? Ich loss mi doch nit verkupple." Guet, ich han jo sälli vu Kayseri aü nit gnumme. Z Ditschland hirate diä meischte üs Liäbi, sueche sich allewäg esälber eine oder eini. Un änewäg wird jedi dritt Eh wider gschiide. Do drgege mueß e vermittlete Läbensbund nit schlächter abschniide, im Gegedeil, grad wänn beidi ihri Roll känne un akzeptiäre, ka sich Liäbi entwickle. Mir gfallt viil nit am Islam, aber eins ka niäme in dr Moslem vorwärfe: Ass si sich sälber ufgän.

Autor: Harald Noth