Lueginsland

Zum neje Johr: Sich träue

Friedel Scheer-Nahor

Von Friedel Scheer-Nahor

Sa, 21. Januar 2017

Lueginsland

Jetz hon ich zum neje Johr soviel gueti Vorsätz gfasst un küüm isch de halb Jänner rum, sin sie schu wieder de Bach naa, wenigschtens deilwiis. Unbedingt Stress abbäue honi welle un mir wäge dem vorgnumme, unter keine Umständ meh e regelmäßigi Ufgab ooznemme. Jo, Pfiffedeckel! Wenn d Badisch Zittung ooriäft, isch de Wunderfitz un de Graddel greßer wiä jeglichi Venunft.
Uf de andere Sitte: Isch so e veninftigs Läbe wirklich immer des, was aim guet duet? Ischs nit besser, mer macht ab un zue emol e Schlenker absits vu de iigfahrene Wäg? S git Glägeheite, wu mer nit vehobasse derf, aü wemmer nit gnaü weiß, wie s wird un was debii rüskunnt. Denn, wemmer sich keini neje Erfahrunge gunnt, brücht mer sich nit beklage, wenn alles gäderig un zäch wird un s Hirn iiroschtet. Wer sich nit träut, het schu velore. Oder anderscht gsait: Wer nit ufwäscht, macht kai Gschirr kapütt. Wege dem, gemmer dro un läns kläppere.