LUEGINSLAND: E Schatz im Kaschte

Sit Johre hock ich ufeme Schatz. Jetz het er sich üszahlt. Wu d Läde zue un ums Verrecke keini Mundschütz z kriäge gsi sin, sin nämlich diä im Vordeil gsi, wu Stoff un e Naihmaschin deheim gha hen. Do sin mini Stoffrescht, wu im Kaschte ghockt sin wiä altbache Brot, granatemäßig im Wert gstiege. E richtigs Goldgräberfiäber isch ufkumme. Schnittmuschter sin rumgreicht wore wiä Aleitunge zum Gelddrucke. Jo, d Zitt zum Naihe het mr sich aü nemme miäße. Aber des het mr gärn gmacht. Denn, wenn sunscht isch so e Handarbeit dermaße äschtimiert wore, dass si aim fascht üs de Händ grisse wore isch? Zwar hets tatsächlich aü Engpäss bim Gummi gää. In minem Fundus isch nit meh gsi, do het alles Naüsle un Nuele nit gnutzt. Wege dem bin ich uf e üsgfuchsts Syschtem mit Schuehneschtel üsgwiche. Un ball druf isch aü d Rettung kumme. D Schweschter het diä alte Faadezainli vu Bäsli un Gottine uf de Kopf gstellt un tatsächlich mehreri Kärtli mit kochfeschtem Hosegummi gfunde. So ischs kumme, dass mir Naiherinne aü syschtemrelevant gsi sin. Aber unser Triumph het nit lang ghebt. Uf aimol gits wieder Einmal-Maske z kaüfe un d Nachfrog nach Stoffmaske isch schlagartig gsunke. Schad. Des Gfiähl, dass es doch fir ebbis guet gsi isch, wemmer e Sach ufhebt, het aim doch so flatiärt. Un mich hets drin bestärkt, mini Biächer, wu meterwiis im Regal stehn, doch nit vorschnell los z were. Wer weiß, viellicht isch mr doch emol noch froh drum. Herzliche Grüße und ein schönes verlängertes Wochenende wenn möglich.