Meglichkeite

LUEGINSLAND: Neid uf d Kinder

Friedel Scheer-Nahor

Von Friedel Scheer-Nahor

Sa, 26. September 2020

Lueginsland

Elimol kinnt mr grad neidisch were uf d Kinder vu hitt. Was hen diä nit alles fir Meglichkeite zum Spiele un Spaß ho. Do sieht mr ibergroßi Trampolinständer in de Gärte stuh oder ufbloseni Hopsburge, so groß wiä Hiiser. Mir hen friähjer vestohlis im Bett rumborzt oder de richtig Moment un e passends Sofa vewitsche miäße, um emol e klei wing hecher hopse z kinne, wiä s aim vu Natür üs zuestoht. Oder Rollschuehfahre! Wiä hab ich mir gwinscht, uf so schnelle Rolle um d Ecke z flitze. In alle Farbe hab ich mir üsgmolt, wiä ich eleganti Kreise ziäge dät, wenn ich nur kinnt. Aber s isch nit nur do dro gscheiteret, dass wit un breit keini Rollschueh gsi sin, sondern vor allem, dass es bi uns kei Weg oder Platz gää het, wu teert gsi isch.
Hit isch des alles kei Problem meh. Doch leider manglets jetz am e andere Ort. Wemmer bedenkt, was fir e Hüffe Plaschtik bi dene Hopsgeräte vewendet wird, wu eimol üs Erdeel gwunne, nimmi in d Natür zruckgfiährt were kann, am End villicht sogar im Meer landet, kunnt mr ins Sinniäre. Un wieviel Wäg un Plätz sin hitt asphaltiert oder zuebetoniert un len s Wasser d Stroß na schüüsere, so dass es nimmi in de Bode sickeret un eifach in de begradigte Bäch devurennt. Kurzfrischtige Spaß un Bequemlichkeit uf de eine Sitte, langfrischtigi Sorge un Schwierigkeite uf de andere. Un zwar so ernschti Sorge, dass ich mir des mit em Neid uf d Kinder vu hitt doch noch emol iberleg.