D Welt uf em Kopf

LUEGINSLAND: Nooch de Fasent

Wendelinus Wurth

Von Wendelinus Wurth

Mo, 01. März 2021

Kolumnen (Sonstige)

S geht also wider degege. D Narre wisse jo, ass nooch de Fasent vor de Fasent isch. Verkehrti Welt halt, au wenn d Fasent mol usgfalle-n-isch.
Debi he mir uns doch e Welt baschtelt, wu alles andre as wie normal isch. Richtig verruckt sogar. Wenn i nämlig in d Proschpekter vun dene Supermärik lueg, nor kaan i bloß stune. Do git s Gmies Epfel un Salat, Gäälruewe un Selleri us Ditschland. Was sich halt iwer de Winter lagre losst. Awer jetz im Feber – also noch im Winter – git s schu Sparigel – us Peru halt. Also vun de andre Sit vun de Welt. Un Mango un Ingwer dezue. Limette kumme us Vietnam, Tumate us Tunesje. De Salat us Spanje, Triiwle us Siedafrika. Papayas us Ghana, Heidelbeere us Chile, Brokkoli us Italje. Alles Sache, wu s im Winter bi uns normalerwiis gar nit git. D ganz Welt isch deheim bi uns.
Was bruche mir do noch d Narre un d Fasent? Mir stelle d Welt doch bim Ikaufe schu uf de Kopf. Fasent s ganz Johr lang kinnt mr sage.