Corona

LUEGINSLAND: Soooo viiiiel Zitt!

Martin Wangler

Von Martin Wangler

Sa, 25. April 2020

Kolumnen (Sonstige)

Wer dät des alles ohne Corona mache?
Wenn ich an dä Keer nu denk. Der sott scho lang uff- un uusgruumet sii. In dä Werkstatt sieht’s itte besser uus. S ganz Werkziig miest mer riichte. Un wemmer grad scho dra isch: D Kuchimesser haue sogar dä Butter nimmi.
Im Garte sott mer unbedingt s Laub zämme reche un dä Komposchthuufe umsetze. Dä Grund muen umgstoche werre un s Friehbeet will uffbaut sii. D Salatsetzling sott mer dringend pflanze.

Uff dä Terrass muemer unterm Holzrost dä Dreck unnefirri wische un s Uukrutt zwische dä Pflaschterstei rus kratze. Debii siehn ich, dass niemed dä Dachkähner subber gmacht hett. Oh nai, wie sähne denn d Fenschter uus? Die hänn en Friehjohrsputz netig! Und zwar mordsnetig.
Dodezue muen ich dä Frau au no ä Freid mache: Ich striich d Kuchi! Kurz bevor ich fertig bin, sait si: "Am Kuchikäschtli blättert dä Lack. Dätsch no schnell im Spiicher d Lampe wechsle? Am Dampfabzugsfilter tropft s Fett un bring doch bitte s Altglas no weg!"
Es isch doch alles für ebbis guet!