Goht s no?

LUEGINSLAND: Vom Flone un Verseckle

Markus Manfred Jung

Von Markus Manfred Jung

Sa, 24. Oktober 2020

Kolumnen (Sonstige)

Was macht des Corona mit uns? E Fründ, won e chleine Betrib führt mit öbbe zwölf Lüt, wird allewiil wider gfrogt, ob er scho si Unterstützig kriegt hetti, wegen em Corona un so. Un wenn er sait, er hebti nüt beantragt, well er all no gnueg z schaffe hett un usserdem Reserve, no mueß er sich aloose, wie dumm er denn sigi, nüt z beantrage, wo s doch Geld ummesuscht gäbti un wo mer die Chleine jo gar nit alli überprüefe chönnti un wo…

Do chan er aber gruusig fuchsig werde, un er wäscht däne Profittler ghörig de Chopf. Was sin ihr für Bschiißer, wo de eige Staat verseckle wön, vergackeiere, flone, täusche verarsche? Wem tüend der denn s Geld abluchse, wer nemmet der denn us? Uns alli tüend der hintergoh, un nit zletscht unsi Fründschaft, s Vertrauen inenand, un ganz zletscht dodämit euch selber. Wer bschiißt, wird bschisse, – un isch es au.