Bekanntschaftsanzeigen

LUEGINSLAND: E komischi Nummer

Ulrike Derndinger

Von Ulrike Derndinger

Sa, 15. Februar 2020

Lueginsland

Käb an de Hundert isch d ältscht Frau im Dorf. Vun de große witte Welt will si immer noch alles wisse – un in de kleine Lebe vun ihre Enkel fuhrwerkt si au gern umenander. Es isch halt eso: De Bue isch schu iwerzittig, was es Hiirote betrifft, meint d Großel un blettert beherzt in de Zittung bis zue de Anzeige. Wer do alles noch wemm uf de Suechi isch! Alti Mannslitt hän zwar schun Großkinder, sueche awer kei Omatüüp, un Rentnerinne kumme sich vor wie drissig un welle’s nomol wisse. Jesses Mareie. Am End sin fir de Enkel drej Kandidatinne iwrig. Si hän s rechte Alter, gehn schaffe un hän normali Hobbies. Nur Stricke het keini gschriiwe un ob si koche kenne, sej au dehingschtellt. D Großmuetter nimmt s Telefon her wählt d Nummere us de Zittung. Awer nur ihri Alarmglock im Kopf schellt. Suscht isch Stilli in de Leitung. "Was isch denn des? E Telefontrick, wu si eim s Geld us de Tasch ziege? So e elends langi Nummer un kei Antwort!" Am Owe schwätzt si mit ihrere Tochter iwer die Sach. "Alles glooge, alles Gauner, alles falschi Telefonnummere", schimpft d Muetter. Falschi Nummere? De Tochter kejt fascht s Tässli Tee us de Hand vor Lache, wu si merkt, was do gloffe isch. D Muetter het d Chiffrezahle gwählt, wu unter de Anzeige stehn. Kei Wunder, dass si mit dere komische Nummer kei Anschluss fir de Enkel gfunde het.