Fascht wiä vorher

LUEGINSLAND: Abstand un Aastand

Beate Ruf

Von Beate Ruf

Mo, 06. Juli 2020

Lueginsland

Mr sin no nit durch, henai, aber mr kann wider eweng wiä friäjer, nur anderschd.
Anderschd shoppe goh, mit MNS-Maske. S isch halt kei so richtigi Frejd, dr schnappsch diä ganz Zit wiä e Fisch nooch Luft un rissisch dir in de Umkleidekabine de Fetze vum Gsicht. Was dr deno sihsch isch au wider kei Frejd – d Corono-Kilos mole sich ab. Aber isch wirklig des Corona Schuld dra, dass dr de ganz Dag gveschperet hesch, obwohl dr e hüffe Zit gha hättsch zöem Sport mache? Rumdappe, jogge, Fahrrad fahre un s Internet isch voll mit Workouts fir diä wu liäber dinne turne. Dr hättsch eifach nur d Matte miäße üsrolle un s Video aschalte, wenn nur nit all Furz Lengi ebber ins Zimmer gschlurbt kumme wär ... Wu isch? Wänn isch? Wurum isch diä bequäm Jogging-Hose noch nit gwäscht? Wer goht s negscht mol goh ikaufe? Ich brüch säll Shampoo fir kabüttigi Spitze, ganz dringend! Wurum eigentlig, ich schnid si dr eifach ab, äs siht dich jo sowiäso niämer andersch, wiä mir. So ischs de ganze Dag gange. Un deno endlig d Lockerung, d Ouverture vu de Gaschthiser! Do hän d Lit eso druf gwartet. Isch jo rächt. Aber eweng hets mich schu stutzig gmacht, mini Kontaktdate fir e Hafe Kaffee z verrote, Datenschutz was yesterday. Aber was mir gar nit fählt in de Wirtschafte, isch d Engi un dodemit s Zöehorchemiäße vu Unwichtigkeite vu wichtigdöerischi Lütschwätzer. Des Gebabbel isch jetzt eweng wider weg – Mindeschtabstand, I love you.
Viel Abstand kann e manchs mol bi wenig Aastand vu Vorteil si.