Denkt d Sprooch fir uns?

LUEGINSLAND: Corona Korona

Wendelinus Wurth

Von Wendelinus Wurth

Sa, 05. September 2020

Südwest

Mr kaan s afanges fascht nimm heere, des mit dem Corona. Corona hii, Korona her – jo, wenn s schu hii wär, des wär schiin. Awer allewil geischtert s durich s Fernseh, s Radio un d Zitunge un kum einer kaan s sehne. Kei Wunder, ass do de eint oder ander uf d Idee kunnt, ass es e Geischt isch.

Do isch mr igfalle, ass min Muetter als gern gsait het, wenn emol wider e Herd Vewandti in unser Alltaa igfalle-n-isch, do kumme si wider d ganz Korona. Gmeint het si demit – mr isch nie ganz sicher gsi – ass es Urueh gent het, was gheiße het, was stell ich dene jetz zum Kaffee naa, wenn s am Sunnti gsi isch, oder as Veschper, an andre Tää.
Meischtens, denk i, isch s ere nit ganz reecht gsi, also het si d Korona ehnder negativ gsehne. Wu-n-i awer im Duden noochgluegt ha, bin i uf e ganz andri Idee kumme. Do het Korona nämlig zwei Beditunge: Zum eine de Strahlekranz vun de Sunn, bi re totale Sunnefinsternis; zum andre e Schwung jungi Lit, wu zamme ebbis mache, also ehnder positiv gmeint un zum andre grad s Gegeteil: E Schwung jungi Lit, wu randaliere, e Horde … e Fläschmob villicht. Am End het min Muetter beides gmeint oder gar alli drej, wu si d Koronain s Mul gnumme het?
Un s wär au guet, we-mir s Corona-Virus eso täte aluege: Vun dem kinnt jo am End ebbis Guets kumme, au wenn s uns ordentlig us em Glichgwiicht broocht het. Un iwerhaupt sote mr des Corona nit eso groß wachse losse, ass mr dehinter d Sunn nimm siht …
dreywe@web.de