Gueti alti Zittig

LUEGINSLAND: E Lob un e Corona

Markus Manfred Jung

Von Markus Manfred Jung

Sa, 21. März 2020

Kolumnen (Sonstige)

Wie isch mer nit froh in däne Zitte, wo mer so ganz ällei däheim hockt, iikarantänelet, dass mer scho früeihj am Morge si Zittig kriegt, direkt in s Hus. Mer trinkt si Kaffi, hockt ämend scho duss im früsche Morgewind un list, wie s mit dem Chaibe-Virus wiiter goht, wie s Lebe all enger wird um eim umme, sich uf s Wesentlichi beschränkt. Mer list, was mer tue soll un was mer no tue darf un haltet sich gern dra, well s eim un de andere jo hilft. Zum Glück un Troscht darf mer no in d Natur. Dört cha mer tief dureschnuufe, Sunne tanke, sich an de Tirli un Pflanze freue, gueti Iidrück un Gedanke hamschtere un mueß nit go Klopapiir poschte us luter Angscht, s chönnti jo… Jo was eigentli? Hette mer nit lauwarmis Wasser un die linki Hand un däno Seipfi oder gar Sagrotan? Un vor allem, hä mer nit zum Glück no d Zittig, wo mer amig wie früehner…? Mi bildigsmäßigi Karriere hät doch agfange mit uf e Zimmermannsnagel gschpiißte, zue Achteli verrissene Zittigsbletter uf em Abtritt duss bi de Omi z Zell hinte. Gueti alti Zit? Gueti alti Zittig uf jede Fall! Ihre e Lob un e Corona!