Philosophie auf dem Spielplatz

LUEGINSLAND: Fümpf Johr isch alt

Ulrike Derndinger

Von Ulrike Derndinger

Sa, 07. Mai 2022

Kolumnen (Sonstige)

Fir Burscht isch s Alter ebbs, wu si schun vun Kleinem anfange mit dem Rechne. Umso meh Jährli si ufem zarte Kinderbuckel hän, umso meh meine si nämlig, dass si Ansprich stelle un Kleineri rumkommandiere kenne. Bim Dischpetiiere weggem Lenger-Ufbliibederfe heißts: "Ich bin awer schu fümpf!" Fümpf isch also alt – un iwer zehn isch uralt. Grad vor e paar Täg bin ich vum e Sechsjährige uf 16 gschätzt wore. Un bim zweite Versuech uf 18. Wu er min richtigs Alter erfahre het, isch er fascht vun de Schuukel kejt. E Läwe nooch de Grundschuel het er sich nit vorstelle kenne. Un e Läwe vor sinere Geburt au nit. Wu ich der Kerli frog, was gsin isch, bevor dass er uf d Welt kumme isch, sait er: "Nix". G’wissermaße het er jo recht. Fir jedi vun unsere Welte giltet, dass vorher nix gsin isch. Un ob hinteno ebbis kummt, isch au nit sicher.