Grillfeste

LUEGINSLAND: Gschundeni Fleischbatze

Ulrike Derndinger

Von Ulrike Derndinger

Di, 30. Juni 2020

Südwest

Mer kann gheerig schwarz seh’ne, wenn mer die Fleischbatze bim Grillfescht bi de Bekannte sieht. Käb anenander leje si uf em Roscht un warte zittrig druf, dass si mit ere Bißzang us dere Hell emporglupft were. Awer was dät denne resche Kreature d Erleesung bringe? An de Sau-, de Rinder- oder de Gullerhimmel het des gschundene Billigfleisch, wu d meischti halt doch am liebschte kaufe, wenn’s e greeßers Fescht soll sin, schu lang de Glaube verlore. Jetzt kriegt’s de Rescht, kunschtvoll iigwickelt mit eme Rämbe Speck. De Schmutz trepfelt im Sekundetakt in d Gluet ni. De Gäscht kumme Träne – will si’s kuum verwarte kenne. Nooch de dritte Verteiler-Rundi isch de Fleischberg nit arg viil kleiner wore un de Grillmeischter het noch im Angebot: anderthalb Pfund duumedicki Steek, fümpf Brootwurschtschnecke, e Pärli stockfinschteri Merkäsli, acht fingerlangi Nürnberger, e Scheiterhiffli verroozelti Rippe un zwei XXL-Gullerschenkel. E paar Gäscht worgse e letschter Bisse rab, us Mitleid mit dem Grillmeischter. Un de Rescht isch fir d Katz. Guete Appetit.