Smartphouns

LUEGINSLAND: Smart ve-äpp-elt

Wendelinus Wurth

Von Wendelinus Wurth

Sa, 14. März 2020

Kolumnen (Sonstige)

Natierlig isch es bequem, eso e Smartphoun. Mr brucht nit vil denke, wil s einem sell abnimmt. Zum Bischpil bim Wandre. Statt e Landkaart rumtrage un allewil umständlig usenanderfalte z mieße, het mr sin Käschtli in de Hand un des smarte (schlaue) Ding sait einem sofort, wu mr isch – we-mr gnue Saft het un nit grad in eme Funkloch glandet isch. Nor isch guet, we-mr glehrt het, wie mr au uhni Händy de Wä findet.

Oder we-mr will wisse, was des fir e Pflanz isch, wu mr fascht driwergstolpert wär. Mr photographiert des Krut un schwuppdiwupp sait unser Äpp, was es isch. Un so git s eso vil Äpps un allewil meh, ass mr gar nimm vil mueßt denke – meine manichi. Immer efter heert mr die Antwort uf e Froog, des mueß i nit wisse, des kaan i guugle. Awer die Vebindunge im Kopf, wu sich bilde, we-mr Taa fir Taa neji Sache lehrt un zum e Mosaik zammebout, sell kaan s Smartphoun nit.

Un usserdem, sait eime jo kum ebber, was des Ding au fir Noochteiler het: Ass mr jederzit eime kaan finde, wil s Käschtli jo allewil e nejer Sendemascht mueßt sueche, ass d Vebindung witergeht, un mr eso e Spuer hinterlosst, iwer die sich jeder Jäger oder Polizischt tät freje. Un vun sellene Jäger git s jo grad gnue. Sonigi, wu sich intressiere defir, was mr eso macht mit dem Käschtli im Netz. Die suuge des alles uf wie e Kobold un mache ihri Gschäfter demit. Wer weiß schu, ass Samsung mim e "News aggregator" vebandelt isch, wu Noochrichte vun de Bildzitung vebreitet? Kriegt mr eso sell, was mr gern tät wisse, oder sell was mr am liebschte heert? Un ass mr us allem un jedem, was mr so triibt mit dem Ding im Netz e Profil ufstellt, wu nor d Werbung druf istellt un eime um d Ohre haut? So wurd mr allewil un allewil meh ve-äpp-elt. Un alles des tuet nit emol weh – was smart au kaan heiße …