Haustiere

LUEGINSLAND: Uf d Katz kumme

Ulrike Derndinger

Von Ulrike Derndinger

Sa, 13. März 2021

Kolumnen (Sonstige)

S Elleinsin macht ne mirb wie e Linzertort im Advent. Will er nit komplett verbroselt durch sinni Täg keje will, wirft er e Aug uf d Bekanntschaftsanzeige in de Zittung. Villicht isch do eini, wu ne e weng zämmefege dät. Wu er durch alli Spalte durch isch, bschliesst er, sonigi Viechereie bliiwe z lenn. S dunkt em nämlig keini, als dät si gern e Bese oder e Spatte in d Händ nemme. Un des bricht er doch uf sinnem kleine Hof un vor allem fir sinner Garte. Do fallt em des Tiier uf de Zittungssitt vis-e-vis uf. E schwarzi Katz vun links – heißt’s nit immer, des dät Unglick bringe? Awa. Er rieft die Nummer an un holt sie noch am selwe Tag im e Karton ab. Wu er deheim de Pappedeckel ufmacht, verschreckt er gheerig. Si fuucht ne an. Un si humpelt. Krizbandriss, sait der Tierarzt. Un schu isch e großer Huffe Geld vom kleine Lohn furt. "In dir stecke ball zwei usgwachseni Saue", bruddelt er si in de erschte Woch an. In de zweite sin si sich schun besser einig. In de dritte will er si nimmi hergenn. Zum Zittvertriib blettert er jetzt nommol zue de Bekanntschaftsanzeige. In de vorletschte Annongs steht’s: "Wohlhabende Garten- und Katzenliebhaberin sucht natürlichen Mann mit Herz." Er holt e Papiir un Blej. Wenn des ebbs wurd, wär’s nit fir d Katz.