Umweltsünden

LUEGINSLAND: De Traum vun de Wäschkuchi

Ulrike Derndinger

Von Ulrike Derndinger

Sa, 08. Juni 2019

Lueginsland

De Nochber fliegt iwer d Fasent uf Rom, iwer Oschtere noch Westafrika, iwer Pfingschte kurz uf Kreta un iwer d "richtigi Ferie" uf Kanada – mit läppische drey, vier Inlandsetappe in de Luft. Umwelt? Ab un zue mit em Zug? Z lahmarschig. Wenn nur zweieviertel Täg Zit isch fir Rom, wie soll des gehn? Do hesch kuum im e Café diner Expresso gsirpfelt, miescht schu widder in de Waggon stiige. Klima? Zukunftshorror? Also ganz ehrlig, s wär doch e Traum, wenn d Ur-Enkel emol s ganz Johr im Baggersee bade kinnte, in ere Welt so warm wie e Wäschkuchi. Haha! Nei, isch schun klar, des isch e Witz un ich hab nix gege d Umwelt. Umwelt isch wichtig un de eige Sohn isch selwer am letschte Frittig emol mitgloffe. Des isch doch ebbs! Unni s Flugzeig geht’s halt trotzdem nit, wenn de vum Fleck kumme willsch. Ob ich denn noch garnie gfloge wär? Doch, bin ich. Vor allem uf d Schnurre als Umweltaposchteli – awer des isch’s mer Wert.