100-Werter-Gschiichte

Dräbbel Bättel

Wir benötigen Ihre Zustimmung um BotTalk anzuzeigen

Unter Umständen sammelt BotTalk personenbezogene Daten für eigene Zwecke und verarbeitet diese in einem Land mit nach EU-Standards nicht ausreichenden Datenschutzniveau.

Durch Klick auf "Akzeptieren" geben Sie Ihre Einwilligung für die Datenübermittlung, die Sie jederzeit über Cookie-Einstellungen widerrufen können.

Akzeptieren
Mehr Informationen

Werum au nit? Do isch d Veronica Kerber vum Dachverband der Dialekte Baden-Württemberg uf d Idee kumme, so ebbis wie e Pouwetry-Släm z mache, bloß halt mit Gschiichte. Un zwar bsundere Gschiichte in Mundart. Si derfe bloß hundert Werter ha – keins meh, keins winiger. Die Idee kunnt vun de Engländer her, un zwar solle die Kerl vum Monty Paithon Flaiing Sörkes zerscht drufkumme sii. Un bal het s dert in England in de Aachziger Lit gent, wu au sonigi Gschiichte gschriiwe hen. Un jetz also au in Woinem (Weinheim) in de Kurpalz. Sechzeh Männer un Fraue hen e Gschiicht iigreicht un sin agnumme worre. Nor het mr si am letschte Samschti im Holzwurm-Theater uf d Bihni gruefe un immer Pärle noochenander läse glosst. Un e paar Lit us em Publikum hen abgstimmt, wie bim Eiskunschtlaufe oder Schispringe. Si hen Notekäärtle vun eins bis zehn hoochgheebt, D bescht und schleechtscht Not sin gstriche worre. So sin nooch de erschte Rundi Aachti iwrigbliiwe. Un die sin wider paarwiis mit neje Gschiichte gegenander atrette. Dismol het s ganze Publikum mit Farwekäärtle abgstimmt. Nor sin s noch Vieri gsi. Un nor nomol s Gliche un die zwii Gwinner wider gegenander. Bis es zletscht ei Gwinner gent hat. Zwischedurich het de Charly Weibel e wing Musik gmacht. Im Publikum het des alles gfalle un sellene, wu gläse hen, au. Un au sellene zwii Kolumnischte vun de Badische Zitung, wu zum erschte Mol so e Dräbbel gschriiwe gha un au mitgmacht hen un sogar unter d letschti Drej kumme sin. Gwunne het einer, wu schu länger bi so Wettbewerb mitgmacht het, e alter Has also.

Schlagworte: neje Gschiichte, gegenander atrette, Farwekäärtle abgstimmt