Vetterliswirtschaft

LUEGINSLAND: Vun Netzwerike und Vitamin B

Wendelinus Wurth

Von Wendelinus Wurth

Sa, 10. April 2021

Lueginsland

Kleine Kinder hilft mr, wenn si ebbis no nit so reecht kinne, bis si s am End fit sin fir d Wettbewerbsgsellschaft. Dert soll jo jeder glich bhandelt – un vor allem zahlt – werre, wie s sine Leischtunge entspricht. Awer natierlig kinne nit alli Erschter sii, awer Luuser will halt au niemer sii. Un natierlig kinne (oder welle?) nit alli glich vil leischte. Awer winiger vediene will e manicher un e manichi au nit. Was mache? Mr kramt in sim Gedächtnis, ob mr nit ebber kennt, wu kinnt e guets Wort fir eime iilege. Vetterliswirtschaft nennt mr des. Un usser dene, wu devu profitiere, findet s niemer guet. Schu e wing besser klingt do Vitamin B. S isch zwar s Gliche, awer Vitamine brucht jo e jeder, wil si gsund sin. Mim Netzwerike, so heißt s hitztags, isch es nit ganz eso eifach. Des kunnt jo us em Englische un mr knipft e Netz mit vile Vebindunge us Kombjuter, wu nor meh leischte kinne as wie einer ellei. Villicht bäppe an de Schnittpunkt Vitamine, will sage, Lit, wu Ifluss hen un ebbis kinne bewege. Mr isch also mitnander vebunde, wie d Fäde in re Spinnhudel. Un jetz wurd s intressant: Huckt d Spinn in de Mittelt un losst ihri Vebindunge spiile zue dene Lit, wu d Vitamine hen? Nor brucht si gar nimm vil tue, as wie bloß druf waarte, bis ebber sich muckst. Nor brucht mr numme noch d richtigi Strippe ziehge ... Do weiß mr nor nimm, ob am End die, wu am Fade bäppe, selli sin, wu de Noochteil hen … Un vun de Amigos un de Spezis un de Kumpel un un un welle mr gar nit erscht rede.