Göttlichi Röeh

LUEGINSLAND: Iberall, aber nit im Wald

Beate Ruf

Von Beate Ruf

Sa, 11. September 2021

Südwest

"Hinaus in die Stille", so stoht’s gschribe uf eme Proschpekt vun eme große Automobilclub. Do lit einer ganz entspannt uf eme moosbewachsene Baumstamm am Bächli, mitte im Wald un tankt Kraft. Bi uns do hänne kannsch dr des abschminke. E scheens Plätzli im Schatte, e glains Veschper debi, d Vegel singe eweng, so hab ich mir des vorgstellt un bin losgstifelt.

Eweng Röeh willsch, diä findsch aber nit im Wald, wil dert isch allerhand los. Erscht möesch am Waldkindergarte vorbei – kei Thema, basst. Aber nit alli Kinder gehn in d Waldkindergarte, anderi gehn eifach ab un zöe mit de Möeter oder em Vadder in de Wald, au däne begegnesch – basst. Wurum au nit, s möeß jo nit jeder Knäckis s ganz Johr iber in de Matschhose durch de Wald stolpere – de eind oder ander Üsflug mit de Alte langt au.

Horch, was heer ich denn do? Kei Vegili un kei Kettesägi. Nai e Frauestimm un e Gitarre: E Singer-Songwriterin ohni eigene Proberaum? Doch kei Singer-Songwriterin, wil wänn dr göet lüschterescht erkennsch d Melodie: Wish you were here vu Pink Floyd! Nai, I wish no one was here. S bescht aber kunnt noch. Pletzlig kunnt e Vadder mit em ganz glaine Dützerli am Büch deher – wirklig noch z glai fir d Waldkinderufbewahrung – mit eberem debi wu nem lüt un ditlig de Wald erklärt. Des isch bstimmt e Waldbademeischter gsi. Wänn ich s negscht mol mi Röeh will, gang ich am halber zehni am Obe in de Supermarkt.