Weler Gärtner

LUEGINSLAND: Bim letschte Platschräänge

Wendelinus Wurth

Von Wendelinus Wurth

Mo, 11. Juni 2018

Lueginsland

Du muesch schnell kumme, het disletscht de Vater agruefe, sunsch mueß i d Fejerwehr hole, mir lauft de Wintergaarte mit Wasser voll. Bim letschte Platschräänge het de Kähner nämlig s Wasser nimm gheebt un de ganz Bettel isch an de Wand na un iwer s Dach vum Wintergaarte in sin Kakteezucht gloffe. Also d drejteilig Leiter gholt un an de Huuswand so lang nufgschoowe, bis si iwer de Kähner nusglangt het. Si het vor luter Baim mien ganz stejl gstellt werre, so winig Platz isch gsi.
 Owe het mr nor gsehne, was s Problem gsi isch: De Laubfänger isch ganz vebäkelt gsi mit Moosbolle, wu uf dene Eternitplatte gern wachse. Die schwemmt so e Platschräänge eweg un si sammle sich im Laubfänger im Abflussrohr. Dert bache d Sunn un de Räänge des mit de Zit so dicht zamme, ass kei Trepfli Räängewasser meh durichgeht. We-mr grad debi sin, sait de Vater, luege mr doch grad au in d andri Kähner. Bim nächschte Kähner grad s glich Problem, kum e wing Platz zum mit dere lange Leiter gschirre, wil allewil Baim, Blueme oder Bisch im Weg sin. Do haw-i mr s nimm kinne vekniffe un ha gsait, saisch dinem Gäärtner er soll demnächscht e wing meh Platz losse zum Manewriere mit de Leiter. Awer ich ha doch gar ke – het er gsait un iwer eimol het sich sin Mul zum e Schmunzle vezoge, wil er un ich gwisst hen, wer de Gäärtner isch.