Lueginsland

Nachbars Katze: Bussiere un krawwle

Ulrike Derndinger

Von Ulrike Derndinger

Sa, 12. August 2017

Lueginsland

Des hän mer jetzt devun. Drey Woche hän mer d Katz vun s Nochbers ghietet un hän si jede Owe im Garte hinterem Hus so arg bussiert un krawwelt, dass si des jetzt immer will. Wenn unseri Fenschter wagewitt ufstehn un im Hus kruschtelt nur e bissli ebbs, stellt si d Ohre, kummt an s Fenschter un wault, dass mer kumme solle. Si heert awer au alles: Si wault, wenn de uf de Abort hucksch. Si wault, wenn de am Herd e Ei verkleppersch. Si wault, wenn de e Kriesestein in e Glasschissel spausch oder e Gutselibabiir verrumpfelsch. Also verhebe mer uns jeder Muckser. Mir striche un schliche uf liise Pfoote im Hus umenander. Mir schwätze kuum ebbs un zeige enander mit Händ un Fieß, was mer welle. Zwischenii waule mer uns ganz liis ins Ohr, dass des Mischtviiech schu widder vorem Hus wault. Mir sin selwer Katze wore. Es isch e Jammer.